【兩人一起就是加倍和減半的公式】
剛過完阿里和阿陳的六週年紀念，禮物本來大家都沒有約好要送什麼，最後發現兩人互相都送了一件阿仙奴的波衫俾大家，正一阿狗情侶，這些甜蜜的默契一定是六年時間培養來的。
記得我們讀書時就已在一起，我經常都說，我最青春最輝煌的年華都給你這個蛋散了，你要是不娶我或者發左達不要我你就知死，哈，在此我要澄清雖然個page叫兩小口，但我未嫁架！原來好多睇我地page的人都誤會左，不過只是時間問題姐，嘻，放心啦，到陳求婚時我會自動公諸於世架啦。
有時，我真係覺得同陳一齊，係世上最美好的事，在大事上，我們有一樣的態度和喜好，在小事上，即使興趣不盡相同，都會陪對方做，例如睇波，我以前真係滴波不沾，宜家真係「每個禮拜一次我愛你」，唔睇唔得。我超愛旅行，所以陳都被我感化，變成旅遊狂熱撚，兩個人一齊邊長大，邊在逛世界時認識自己，認識對方，認識世界，然後就有呢個page的誕生。
陳從來都唔是個浪漫撚，而我亦不愛送花食燭光晚餐，珠寶什麼的更咪搞。他亦唔是經常口花花的人，算是一個扮晒無野，但又對細微事好上心的人，記得我地當時撻著原因是一班fd搞年宵，搞搞下就搞埋左，於是我地之後每年年30都會去維園行年宵算係悼念下咁啦，以後撞到記得say hi唷！但今年因冇左年30，年29陳又有事忙，久久都未能成行，到有一晚，陳突然msg說：不如我地年29下午去行啦，年宵一定要行架。我聽到，心諗乜鳩呀，行囉。後來我loop facebook，見到有個阿陳like的post彈出黎，內文就係講一對情侶會一齊行年宵點點點，然後我明白了，男人老狗，原來心思細密的如此程度，而我笑一笑，也差點忘了對啊，他平時最愛看的是濕鳩愛情片，難怪難怪。（我都沒跟他說我發現他有看了那篇年宵文，哈哈，而那篇文我也忘了出處，有朋友知道請指點嘻。）
記得有句野大約係，兩個人一齊，快樂加倍，悲傷減半，呢句說話真係應驗到無朋友，要是你都找到了這樣的人，記得要捉緊，記得不要吝嗇為他而改變，因為他也一定一直為你而輕輕的改變著，賤男除外喔！
Search